هم اللي خانوك مش احنا
هم اللي هانوك مش احنا
وصفولك مصر دي جنة
شعبها قاعد يتهنى
اتغطى ونام سبهلنا
...هنخلي عاليها واطيها
نهبوها وخلصوا خيرها
وسابوا لينا احنا الفتافيت
ملوا كل المعتقالات
يتموا ياما عائلات
هم اللي خانوك مش احنا
هم اللي هانوك مش احنا
سبتها في ايديهم ليه
واطمنتلهم كده ليه
نهشوا لحمك ولحومنا
دلوقتي خانوك وخانونا
ضيعوا فرحتنا بنصرك
في اكتوبر يوم العزه
هم اللي خانوك مش احنا
هم اللي هانوك مش احنا
ده حبيبنا ابن الخطاب
كان ينزل هو بنفسه
ويشوف كل الطبقات
لو لقى دابة بتتألم
بيحاسب نفسه عليها
ويقول دي أمانة في ايدي
ربي يحاسبني عليها
وهتُسأل بكره علينا
واحد واحد من ايده
هيقول وهيحكي مظالمه
للعرض على الجبار
هم اللي خانوك مش احنا
هم اللي هانوك مش احنا
من نفسك قول أنا ماشي
مقدرتش أصونك يا بلادي
التوبة في إيدك لسه
إعلنها وقول سامحوني
ربي بيُمهِل ولا يُهمِل
والظلم لازم له نهايه
موضوع: هم اللي هانوك .....مش احنا 
الإثنين فبراير 14, 2011 12:39 am
